رخون- ینیسی یادگارلیکلریگه خاص سوز بایلیگی و گرامری شکللرنی قرغیز، اویغور، تووه، تُرکمن، اوزبیک و باشقه تورکی تیللرده کوریش ممکن، شونگه کوره، س. ی. مالوف تأکیدله گنی دیک، بو یادگارلیکلر کوپچیلیک تورکی تیللر تاریخینی اورگه نیشده مشترک بیر منبع صفتیده اهمیتلی دیر. شو جهتدن قره گنده، حاضرگی اوزبیک تیلی نینگ ایلدیزلرینی هم اورخون- ینیسی یادگارلیکلریده کوریشی ممکن.
اورخون- ینیسی یازوی بیلن سغد یازوی اورته سیده معلوم اوخششلیکلر بار. شونگه کوره، اورخون- ینیسی یازوی نینگ وجودگه کیلیشیده اوندن ایلگری پیدا بولگن سغد یازوی نینگ تأثیری بولگن دیب حسابله ش ممکن.
اورخون- ینیسی یادگارلیکلری تیل و یازو یادگارلیگی بولیشی بیلن بیرگه، تاریخی منبع هم دیر. بو یادگارلیکلر بیشینچی- سکیزینچی عصرلرده گی اجتماعی- اقتصادی، حیاتنی اورگه نیشده قیمتلی موضوع و معلومات بیره دی، تورلی تورکی زبان خلقلر و قبیله لرنینگ عرف- عادتلری، اعتقادی و باشقه لر بیلن تانیشتیره دی.
اورخون- ینیسی یادگارلیکلری نینگ معلوم بدیعی قیمتی هم بار. اولرده کوپگینه شعری مصرعلر بولیشی بیلن بیرگه بعضی نثری پارچه لر هم شعر کبی جره نگله یدی. تورلی تاریخی واقعه لر بیانیده آیریم لوحه لر بیر مونچه بدیعی اسلوبده تصویر لنه دی، بدیعی تیل واسطه لری قولـله نیله دی. خصوصاً قبر تاشلریده گی «مرثیه لر» نینگ بدیعی اهمیتی کوپراق اولر، اولر آرقه لی بیر وفات ایتگن کیشی نینگ معلوم پورتریتی بیلن، ماتم توتوچیلرنینگ ایچکی روحی کیچینمه لری بیلن تانیشه میز. شونگه کوره س. ی. مالوف بیشینچی عصر ینیسی یادگارلیکلرینی «قبرستان شعرلری» دیب اته دی.
ای. و. ستیبلیوا اوز تدقیقاتینی «آلتینچی- سکییزینچی عصرلرده تورکی شعرلر» دیب نامله دی. (مسکو، 1965).
مثلاً: قیزیل- چیر (ینیسی حوزه سی) دن تاپیلگن بیر یادگارلیکده قوییده گی لرنی اوقییمیز:
الیم قانیم سیزه بوقمه دیم. کون ای ازیدیم ییته!
قاداشیم کونیم ییته ادیریلتیم، سیزیمه اوز کوموش بودونوم ییته ادیریلتیم. ارار ده مینده بوقمه دیم، قیرق یاشیمده ادیریلدیم. اوچین کولوغ تیریگ اوغلی بن کولوغ توغان بن.
ترجمه سی: مینینگ دولتیم و مینینگ خانیم! مین سیزلردن لذت کورمادیم، هیهات مین قویاشنی و آینی سیزمه یدیگان بولیب قالدیم.
مینینگ دوستلریم و مینینگ قرینداشلریم! هیهات مین (سیزلردن) اوزاقله شیب، اوز کوموش خلقیم دن ییراق لشدیم. اوز قهرمانلیک شجاعتم دن لذت لنه آلمه دیم. قیرق یاشیمده اولدیم.
بولر «دیوان لغات التورک» مرثیه لریگه جوده یقین بولیب «دیوان» ده گی ادبی یادگارلیکلر بیلن اورخون- ینیسی یادگارلیکلری نینگ معلوم علاقه سی بارلیگینی کورساته دی.
:: اۉخشش موضوعلر:
مقاله لر ,
تاریخ ,
تیل-لغت ,
تاریخی حجّت ,
,
:: باغله نیش لر:
یادگارلیکلر ,
تاریخ ,
اورخون ,
ینی سای ,
:: اوشبو مطلبنی کۉریش : 313
|
بها قوییش : 5
|
بها قویگن کیشیلر سانی : 1
|
برچه بهالر : 1
);
background-repeat:no-repeat; background-position: center top">
بیزگه قوشیلینگ
قوشیلیش
مطلبلر ستاتیکی
تشریف بویورگنلر ستاتیکی
